సింగర్ కల్పన ఆత్మహత్యాయత్నం:
టాలీవుడ్ సంగీత ప్రపంచం తీవ్ర దిగ్భ్రాంతికి గురైంది. ప్రముఖ గాయని కల్పన ఆత్మహత్యాయత్నం చేయడం పరిశ్రమను షాక్‌కు గురిచేసింది. నిజాంపేట్‌లోని తన నివాసంలో నిద్ర మాత్రలు మింగి ఆమె ఈ ప్రయత్నం చేశారు. రెండు రోజులుగా ఆమె గది తలుపులు తెరవకపోవడంతో అపార్ట్‌మెంట్ సభ్యులు అనుమానంతో పోలీసులకు సమాచారం అందించారు. పోలీసులు వచ్చి తలుపులు బద్దలు కొట్టి చూడగా, కల్పన అపస్మారక స్థితిలో ఉండటం గమనించారు. తక్షణమే ఆమెను ఆసుపత్రికి తరలించారు. ప్రస్తుతం ఆమె ఆరోగ్య పరిస్థితి విషమంగా ఉంది.
కల్పన రాఘవేందర్ తమిళనాడులో జన్మించి, హైదరాబాద్‌లో స్థిరపడిన గాయని. కర్ణాటిక్ సంగీతంలో ప్రావీణ్యం కలిగిన ఆమె, మలయాళ ఛానల్ ఏషియానెట్ నిర్వహించిన ‘స్టార్ సింగర్’ సీజన్ 5 విజేతగా నిలిచారు. తెలుగు ‘బిగ్ బాస్‘ సీజన్ 1లో కూడా పాల్గొన్నారు. పలు భాషల్లో అనేక హిట్ పాటలు పాడి, సంగీత ప్రపంచంలో ప్రత్యేక గుర్తింపు పొందారు.
కల్పన గతంలో కూడా వ్యక్తిగత జీవితంలో కష్టాలను ఎదుర్కొని, ఆత్మహత్య గురించి ఆలోచించినట్లు ఒక ఇంటర్వ్యూలో వెల్లడించారు. అప్పుడు ఆమెకు సీనియర్ గాయని చిత్ర మద్దతు అందించి, ముందుకు సాగేందుకు ప్రేరణ ఇచ్చారు.
కల్పన త్వరగా కోలుకోవాలని సంగీత ప్రియులు, పరిశ్రమ ప్రముఖులు ఆకాంక్షిస్తున్నారు. ఆమె ఆరోగ్య పరిస్థితిపై మరిన్ని వివరాలు తెలియాల్సి ఉంది.